بھارت کے خلاف ناصر جمشید کی مسلسل دوسری سنچری

[urdu]کراچی ناصر جمشید نے بھارت کے خلاف کیریئرکی دوسری سنچری داغی ، نوجوان اوپنر نے چنئی میں 101رنز کی فتح کن اننگز کھیل کر پاکستان کو 6 وکٹ سے کامیابی دلوائی، اس سے قبل رواں برس ان کی پہلی ون ڈے سنچری بھی بھارت کے خلاف 112کی صورت بنی تھی ، جمشید اب تک بھارت کے خلاف تین ون ڈے میچز میں مجموعی طور پر266رنزبناچکے ہیں اور صرف ایک مرتبہ بھارتی بولر انھیں آوٹ کرپائے ہیں، جنید خان نے 43 رنز دے کر 4وکٹیں اپنے نام کیں ، یہ ون ڈے انٹرنیشنل میں دوسری مرتبہ ان کی چاروکٹوں کا کارنامہ ہے۔ نوجواں پیسر اب تک 14 مقابلوں میں 33۔23کی اوسط سے 21شکار کرچکے ہیں ، دوسر ی جانب بھارتی کپتان مہندرا سنگھ دھونی نے ون ڈے میں اپنے 7 ہزار رنزمکمل کرلئے  انھوں نے تقریبا تین برس بعد 113ناٹ آوٹ کی صورت میں پہلی سنچری بنائی ، اس دوران 50اننگز میں وہ ایک بھی مرتبہ تھری فیگر اننگز مکمل نہیں کرپائے تھے، تاہم ان کی اوسط بد ستور 60۔49ہے، جس میں ان کا اسٹرائک ریٹ 88۔85ہے۔ اور اس میں 12نصف سنچریاں شامل ہیں۔ پاکستان کے خلاف چنئی کے ون ڈے میں بھارت کے ٹاپ 5بلےباز کامجموعی سکور 18رنز رہا، یہ ون ڈے انٹر نیشنل میں ٹاپ آرڈر کی دوسری ناقص ترین کارکردگی ہے۔ اس سے قبل 1983کے ورلڈ کپ میں زمبابوے کے خلاف بھارت کے ٹاپ 5بلے باز 15پر ڈھیر ہوگئے تھے، اس مقابلے میں کپیل دیونے 175 کی ناقابل شکست اننگز کھیل کر بھارت کو کامیابی سے ہمکنار کرایاتھا، بھارتی فاسٹ بولر بھونیشور کمار اپنی پہلی ہی ون انٹرنیشنل گیند پر وکٹ لینے والے دوسرے بھارتی اور مجموعی طور پر دنیا کے 17ویں ایسے بولر بنے ، دھونی اورایشون کے درمیان ساتویں وکٹ کے لئے 125 رنز کی شراکت تیسری بڑی پارٹز شپ بنی ہے۔[/urdu]

You may also like: